Elkarren arteko besarkada erraldoi batekin ospatuko du Sortzenek D ereduan izen emateko aukera Nafarroa osora zabaldu izana. Euskararen ofizialtasuna Nafarroa osora zabaltzea litzateke albisterik pozgarriena baina Sortzenentzat pauso garrantzitsua izan da D ereduan izen emateko aukera eremu osora zabaltzea. Aukera berdintasuna izan dute gurasoek euren seme-alaben heziketa hautatzerako garaian eta hori ospatu beharra dagoela diote.
Tafallan eginen dute ospakizuna. Besarkatu ekimena izendatu dute. Elkarri besarkada eman eta lorpena jai giroan pasatzeko proposamena da.
Hain zuzen, Tafallan, Kaparroson eta Lodosan sortuko dira D ereduko lerroak. Garaipen handia dela uste dute. Urteotako lana eta gurasoen jarrera eskertu eta aitortuko dute Tafallako festan. Apirilaren 23an izanen da.
Besarkatu ekimenaren bitartez, ospatu eginen dute D eredua Nafarroa osora zabaltzeko aukera eskaini izana.