EH Bildu, Geroa Bai, Ahal Dugu eta Ezkerra batera aurkeztea. Hori da mahai gainean dagoen ideia. Geroa Bai eta EH Bildu dira begi onez ikusten dutenak; gainontzekoek ez dute jarrera argirik azaldu.
"Gogoeta egitea interesgarria da", esan du Koldo Martinez Geroa Bai-ko kideak. Lasaitasunez mintzatu da Adolfo Araiz (EH Bildu): "Azken minutura arte ezin daiteke esan amaitu denik [gobernua osatzeko negoziazioa]". Dena dela, Nafarroan "aldaketa politikoaren hautagaitza" babesteko prest daude. Bi alderdi abertzaleak alde daude.
Bestela mintzatu da Ahal Dugu. "Gu oraindik ez gaude hauteskundeen zain, azken unera arte aukera guztiak agortu nahi ditugu", esan du Laura Perezek.