Gaur bertan inauguratu dute Iruñeko Askatasun Plaza. Urte eta hamarkada ilun eta luzeetan Rodezno Kontearen plaza izan denari izena aldatu diote. Gaiaz hitz egin dugu udal ordezkariekin: Eh Bilduko Patri Perales alkateordea, Geroa Baiko Itziar Gomez, Aranzadiko Aitor Balbas eta Ezkerrako Edurne Egino. Astelehenean udalak zabalduko duen etxebizitza bulego berriaz ere aritu gara. Jose Maria Aznar PPko buruzagi ohiak Ogasunarekin dituen zorrak argitu dizkigu Ainhoa Arano kazetariak. Xabier Agirre irakaslearen eskutik Espainiako bigarren errepublika gogoratu dugu. Argia aldizkariko kazetari Axier Lopezekin Mozal legearen ondorioz ezarri dioten isunaz aritu gara.
