Jorge Olaiz iruindarra aske gelditu da behin-behinean. Erabakia hartu du epaileak baina sententzia idazten ari dira. Oraindik ez dute aurreratu beste deus. Concepcion Espejal epaileak esan duena da, boto partikular bat izanen dela.
Guardia zibilekin edukitako tiroketa baten harira atxilotu zuten, 2001ean. Orduan inputatu zuten orain berriro ireki duten auzian: Miguel Angel Ruiz Langarika Iruñeko Udaleko zinegotzi ohia hiltzen saiatzeagatik. Akusazio bera leporatuta atxilotu, epaitu eta zigortu zuten Iñaki Beaumont iruindarra. Baina Olaizen kontrako akusazioak ez zuen aurrera egin, froga faltagatik.
Espainiako Poliziak eta Guardia Zibilak elkarrekin eginiko ikerketa berrietan oinarrituta, berriro ireki zuten artxibatutako sumario hura. Orain, ordea, lekuko bat agertu da, anonimoa. Pertsona horren deklarazioaren arabera, Olaiz Beaumontekin zegoen hura atxilotu zutenean.