Berez, ez da ordaintzen Itoizko ura, hori hartzeko eskubidea baizik. Hau da, tarifa finko bat zehaztu zuen UPNren Gobernuak Canasarekin -enpresa kudeatzailea-, eta horrek finkatzen du zenbat ordainduko duen exekutiboak.
2006an egin zuten akordioa Iruñerriko mankomunitateak eta sozietate anonimoak, eta orduan jada altua zen hitzarmenean zehaztutako prezioa -22,5 hektometro kubiko urtean, 700 bat litro segundoko-.
Merkeagoa izan adin
'Aldaketaren gobernuak' asmo berri bat du esku artean: hitzarmena aldatzea eta "benetako beharren araberakoa" izatea. Urtero, 1.152.00 euro jasotzen ditu Canasak mankomunitatearentzat eskuragarri dagoen 2.000 litro segundoko erreserbarengatik. Gobernu berriaren proposamena: 460 litro segundoko erreserba doitzea. Era horretan, 507.295 euro gastatuko lituzke urtean, 645.591 euro aurreztuz.
Txosten batekin justifikatu du exekutiboak kontratua aldatzeko nahia. Horren arabera, "lehorte handia" dagoenean ere, nahikoa izanen litzateke proposatutako kantitatearekin. Gainera, "aurreikusten da hurrengo hamar urteotan beharko den emaria ez dela handiagoa izanen".