Bereziki gazteriarengan eta emakumeengan jarri nahi dute fokua, haiek baitira zapalkuntzaren alderik lazgarriena pairatzen dutenak. Horregatik, "tratu berdintasunetik eta diskriminazio ezetik" sortzen diren politikak behar direla aldarrikatu du parlamentuak.
Halaber, "beharrezko baliabideak" galdegin dituzte ijito komunitatearen beharrei erantzun ahal izateko. "Irauten duten errekurtsoak eta behar bezalako intentsitatea dutenak" dira nahi dituztenak; gisa horietako baliabideak lortuz gero, ijito komunitatearen parte hartzea ere handituko litzatekeela uste dute.
Bestalde, botere Legegileak bat egin du Europako Parlamentuaren oharrarekin, ijitoen beharrei erantzuteko, eta, hari horri tiraka, "mentalitate berria" garatu behar delakoan dago, tratamendu politiko "zorrotza eta koherentea lortzeko, lehengo akatsak ekidinez eta manipulazioak saihestuz".