Parlamentuan Ainhoa Aznarez (Ahal Dugu) parlamentuko presidenteak egin beharko lioke harrera Mikel Aingeruren irudiari. Nolanahi ere, ez da bertan izanen, "bestelako hitzorduak" dituelako.
Tradizioak hala aginduta, apez batek eramaten du aingerua esku artean eta parlamentariek, banan-banan, muxu ematen diote.
Aldaketak izanen dira, dena dela, bisitan: ez da sartuko osoko bilkuraren aretora; aurten, harrera gelan hartuko dute. Bestalde, ez da abesbatzarik izanen, eta, bukatzeko aurreko urteetan emandako 180 euroko dohaina ez diote eskainiko.
Iruñeko Udalak ere harrera eginen dio Mikel Aingeruri.