2013ko azaroa zen. Bi ekintzaile Nafarroako Diputazio Jauregian kateatu egin ziren, "proiektu txikitzaileak" salatzeko. Biak atxilotu eta epaitu zituzten. Epaia: absoluzioa. Ez da horrela geratu auzia, baina. Bide administratibotik zigortu dituzte orain: 600 euroko isunak jaso dituzte buruko.
Ez dira horiek sakelak astindu dituzten zigor bakarrak. Iazko udan Gasteizen egindako bizikleta martxa baten ondorioz, bost isun jaso dituzte bertan zeudenetako batzuk. 2.000 euro eman beharko dituzte orain.
Corcuela Legeari eta Mozal Legeari jarraiki ipini dizkiete zigorrak. Mugitu! mugimenduak kritikatu du "AHT inoiz baino gehiago auzitan dagoen une honetan, botereguneetatik aurkaritza isildu" egin nahi dutela, "moxala eta isunen bidez".