"Uraren erabilera nola egiten den hausnartu beharra dago, urtegien azpian bizi garenok arriskuan bizi garelakoan gaude", nabarmendu zuten Madrilen egindako protestan ESA gehiagorik EZ plataformako kideek. 400 pertsona baino gehiago elkartu ziren Madrilgo Diputatuen Kongresuaren parean. ESA gehiagorik Ez plataformako kideekin batera, Rio Aragon taldekoak ere izan ziren protestan. Ordezkari politiko askok ere babesa eman zieten eta baita talde ekologistek ere. ESA, legealdi gehiagoan luzatzerik ez goiburuarekin euren kexak helarazi zizkieten Espainiako Gobernuko kideei. "Gardentasun eza eta informazio ugari izkutatzen aritzea" leporatu diete ESA handitzen dabiltzan kideei. "Ingurumeneko Ministerioak ez du hartutako konpromisoa bete, ez digu proiektuaren inguruko xehetasunik eman", azaldu zuten.
Arriskuak segitzen duela ohartarazi zuten plataformetako kideek. Lur mugimenduek segitzen dute eta urtegia handitzeak ekarriko lukeen arrisku gehigarriez jakinarazi zieten larunbatean Madrilen. Alderdi politikoen artean Geroa Bai, EH Bildu, Podemos eta Unidad Popular izan ziren babes ematen.