"Oso positiboa" izan zen atzoko mobilizazioa, IAko eledun Martin Erdozainen hitzetan, 3.000 ikasle atera baitziren kalera, sindikatuak berak emandako datuak ardatz.
Mobilizazioaren osteko istiluentzat ere izan du tartea hedabideen aurreko hitz hartzean. Udalaren kontra egindako erasoak "lekuz kanpo" daudela esan du. Gainera, "gehiegizkoa" izan da poliziaren jokaera, eta "zirikatu" baitzituen ikasleak.
Nolanahi ere, "sakonago" joan nahi izan du. "Itun soziala eta belaunaldien artekoa hausten ari da elite ekonomikoen partetik pribatizatzen eta elitizatzen ari delako hezkuntza sistema". Testuinguruari begirako irakurketa zabaldu du, beraz.
Bestalde, Nafarroari dagokionez, lauko gobernuak "itxarondakoari" ez diola "erantzun" deritzo IAk. Kritiko mintzatu da sindikatua, eta "ekintza eza" leporatu dio.
Bukatzeko, atzo atxilotutako lau lagunen askatasuna galdegin dute.