20 milioi euro aurreztuko ditu Nafarroak datozen 10 urteotan. Historiako finantziaziorik merkeena lortuta aurreztuko da hori. Hala iragarri du gaur Ogasun Kontseilari Mikel Aranburuk. Nafarroak duen zorra, 494 milioietakoa, interes txikienean ordaintzeko aukera hitzartu du finantza entitateekin.
%1,59ko interesean ordainduko ditu zorrak Nafarroak. Estrategia egoki baten emaitza izan da lorpen hori Aranbururen esanetan. Izan ere, Nafarroak kaudimen tasa ona du eta hala ikusarazi diete finantza entitateei. Historikoa eta arrakastatsua da lortutakoa Ogasun kontseilariaren esanetan.