Nafarroako Gobernuko goi kargu euskaldunekin egiten ari garen elkarrizketa errondaren barruan, gaur, Mikel Sagues, Informatika eta Telekomunikazioetako Zuzendari Nagusia izan da gurean. Aktualitateko argazki zenbait aukeratu ditu tertulia grafikoan, Berria egunkariko kazetari Ion Orzaizek. Iker Tubia Mexikotik etorri berria da. Chiapasera eginiko bidaia azaldu digu. Iosu Royo zientziazalearen eskutik Irrintzi Dorreko laborategia zabaldu dugu. Zika birusaz eta diesel erregaiaz aritu gara solasean. Iritziaren tartean, Aingeru Epalza idazle eta itzultzailea. Mikroipuina aireratu duen poeta Hasier Larretxea.
