7 milioi euro gehiago adingabeak dituzten familientzako. Nafarroako Gobernuak hazi eginen du Gizarte Errenta Ziurtatura bideratzen den zenbatekoa 18 urtetik beherako gazteak dituzten familiak artatzeko. Egin, 28.839 familia dira Gizarteratze Errenta jasotzen dutenak. Horien artean asko, adingabeak: 10.820. Foessa eta Save the Children erakundeek argitaratu berri duten txostenek agerian utzi dituzte datu horiek: “Pobrezia larrian bizi dira gazte horietako asko eta irtenbide eman behar zaio”, nabarmendu dute. Hala egin nahi du Gobernuak. Horretarako lehenetsi eginen dira adingabeak dituzten familiak gizarte errenta hori banatzerako unean.
Proiektua oraindik lantzen ari dira eta ez dago deus zehazturik. Gobernua babesten duten lau alderdiak ari dira aukera desberdinak aztertzen eta UPN zein PPNren arbuiotik at, gainerako taldeek itxura ona hartu diote proposamenari.