Parlamentarien solasaldian, gaur ere hezkuntza eta euskararen ingurukoak mintzagai nagusi. Geroa Baiko Maria Solana, EH Bilduko Bakartxo Ruiz, Ahal Dugu-Podemos alderdiko Ainhoa Aznarez parlamentuburua eta Ezkerrako Ioseba Ezeolaza gure artean. Makina bat argazki ikusten ditugu egunero, irudi gehien gehienak lasai begiratzeko betarik ez dugu izaten. Aktualitateko lau irudi hautatu eta aztertu ditugu tertulia grafikoan Ion Orzaiz Berriako kazetariarekin batera. Ihauterien garaia amaitu da. Hala ere, Maite Arraiza filosofoak itxurari, itxurakeriari, eguneroko maskarari buruz hitz egitea proposatu digu gaur. Musika esperimentala entzungai saioaren amaieran Urtzi Iraizoz abangoardiako txistulari heterodoxoaren eskutik.
