Hezkuntzako Lan Eskaintza Publikoaz eta zerrenda bakarraz iritzi bilketa egin dugu. Nafarroako Gobernuko Zuzendari Nagusi Estebe Petrizan, STEILASeko Kepa Yecora, LABeko Ainara Artetxe, ELAko Alfredo Lakuntza, Izquierda-Ezkerra koalizioko Ioseba Ezeolaza eta Kontseiluko Paul Bilbao elkarrizketatu ditugu. Iker Tubia tuiterlariak astea zazpi txiotan laburbildu digu. Arturo Campion euskaltegiko zuzendari Sagrario Alemanek con mucho gusto kanpainaren berri eman digu. Hasier Larretxea idazleak idatzi du uhinetako mikroipuina. Eñaut Agirrebengoa kazetari gazteak Osasuna eta Almeriaren arteko partiduaren analisia egin du, gurean. Oskar Alegria punto de vista zinemaldiaren zuzendari artistikoak nazioarteko jaialdiaren xehetasunak eman dizkigu.
