Caparrosoren txaletaren karietara, hogeita bi galdera aurkeztu dizkiote UPNko kideek Joseba Asiron Iruñeko alkateari. Izan ere, erregionalisten irudiko Iruñeko Gaztetxeko Asanbladaren eta udalaren arteko hitzarmenak ez du "inongo oinarri tekniko edota juridikorik".
Udalaren ondasunak "erradikalei" ematearen beldur da UPN. Hala adierazi dute erregionalistek. Txantreako Salesianas eskola eta Redingo jauregia autogestionatuak izan daitezkeenaren mamua ikusi du, halaber, alderdiak eta "larrituta" dagoela adierazi du.