Gorteetan ordezkaritza lortu duten taldeekin egiten ari den bilera sortan batzartu dira UPNko Jose Javier Esparza eta Felipe Borboikoa Espainiako erregea gaur goizean. Bileraren ostean, kazetarien aurrean, Esparzak adierazi du UPN larrituta dagoela Espainian "independentistek, erradikalek eta anarkistek" babestutako gobernu bat osatzeko aukera dagoelako.
UPN PPrekin batera aurkeztu zen abenduaren 20ko hauteskundeetara, eta Esparzak azaldu du Mariano Rajoy PPko hautagaia dela "onena egonkortasuna, indarra, seriotasuna eta sen ona bermatzeko". Honekin batera kritika larriak egin dizkio Nafarroako Gobernuari eta jarraian gonbidatu du Borboi etxeko burua Nafarroara etortzera: “Nahi duenean etortzeko gonbidapena luzatu diogu” egungo Gobernuak Vianako Printzearen sarien ekitaldira errege-erragina ez gonbidatzea erabakita.
Honi gaineratu dio: “Bere independentzia asmo horretan, oraingo Nafarroako Gobernuak Nafarroako historia, eta horrekin Espainiako Erresumarena ere, aldatu nahi du”