UPNk Nafarroa osoa "eremu ez euskaldun" bilakatu zuela esan dute, prentsa ohar baten bidez, eta Gobernu berriak bide beretik segitzen duela. Euskara "erabat" alboratua izan dela deritzote.
"Ederki gaude, ederki gaudenez! UPN botatzeko hainbeste lan, gero Gobernu berriak gauza bera egiteko. Ziur aski, gai identitarioek lehentasunik ez dutenez, horregatik atera da horrela. Deialdietan euskara erabat alboratzea, hori bai lehentasun betikoa". Horra salaketa.
Horregatik, Administrazioa euskaraz taldeak gaitzetsi egin du Exekutiboaren jarrera, eta Euskararen Legea betetzeko galdegin dio. Aldarria, argia: " [Euskararen legeak ezarritako eremuak] ezin baditu kendu, errespeta ditzala".
Eta mikatz utzi du galdera airean: "Ala eremu euskaldunean basozainek ez dute lan egin beharko?"
Administrazioa Euskaraz taldearen profilean irakur daiteke salaketa osorik.