Berrikuntzak txertatu dituzte aurtengo deialdian, ez dago-eta adin mugarik ez eta erroldatze datan eperik ere. Gainera, handitu egin da jaso daitekeen diru kopurua.
Laguntza jasotzeko irizpideak zabalagoak dira, ildo beretik: autonomia pertsonala laguntzeko neurriak eta lan mundurako sartzeko formakuntzak aintzat hartuko dituzte.
Osasun, elikadura, etxebizitza eta lan mundurako sarrera ahalbidetzea da laguntzaren xedea.
Zeinek jaso dezake?
18 urtetik gorakoek jaso dezakete laguntza, Iruñean erroldatuta egonez gero orain dela sei hilabete baino gehiago eta Gizarte Ekintzako egitasmoetan izena emanik.
Zehaztuta dago jada laguntza eskatu ahal izateko gehiegizko diru-sarrerak zeintzuk diren. Pertsona bakar batek osatutako familia unitateak 786 euro irabaz ditzake gehienez; bikoak, 943; hiru lagunez osatutakoak, 1.022; laukoak, 1.100 eta bostek edo gehiagok osatutakoak, 1.178.