Argia da datuen mintzoa. Bi urteko tartean, 2012tik 2014ra, %0,5 egin du gora bisitari kopuruak. Bazkideei dagokienez ere, positiboa da balantzea: %11,2 handitu da. Nafarroako Estatistika Institutuak gauzatu du ikerketa, 140 liburutegien datuak aintzat hartuta.
Norbanakoei begira ere azal daitezke datuak: kontuan izanda iaz 4,3 milioi bisitari izan zirela, nafar bakoitza 6,8 aldiz joan zen liburutegira. Webgunearen karietara ere irakur daiteke txostena: nafar bakoitza 2,8 aldiz sartu da urtebetean liburutegien atari digitalera.