17:00etan abiatuko dira bihar manifestazioak Bilbon eta Baionan. Nafarroatik 30 autobus mobilizatu dituzte herritarrek erraztasunak izan ditzaten manifestazio horietan parte hartzeko. Giza eskubideak, konponbidea, bakea. Euskal Presoak Euskal Herrira goiburuarekin eginen dute protesta. Sare eta Bagoaz taldeek antolatu dituzte mobilizazio horiek. Euskal preso eta iheslarien eskubideen alde “harriak mugitu nahi dituen herri bat” irudikatuko dute bihar Bilbon eta Baionan. Ideologia anitzetako jendeak babestu ditu manifestazioak.
Sareren webgunean kontsulta daitekeenez, orotara 82 autobus antolatu dituzte protestetara joateko. Arabatik 11 irtengo dira, Bizkaitik 5, Gipuzkoatik 44, Nafarroatik 30, Madrildik eta Kataluniatik bana. Kontsultatu lotura honetan nondik eta zein ordutan irtengo diren.