Gabonen ostean definituta geratuko da hezkuntzan Gobernuak aurkeztua duen lan eskaintza publikoa. Dekretu bidez onartuko ditu irizpideak Jose Luis Mendoza Kontseilariaren departamentuak lehenbizi eta gero, urtarrilaren bigarren hamabostaldian, argituko du azterketaren araudia zein izanen den.
425 dira oposizioen bitartez eskuratzeko leudeken plazak, beti ere. Aurten, 320 irakasle postu deituko lirateke -228 euskaraz eta 92 gaztelaniaz- eta hamalau inspektore -zazpi euskaraz eta zazpi gaztelaniaz-. 2017an, Bigarren Hezkuntzako 91 postu eskaintzea da, halaber, proposatutakoa.
Mendozaren asmoaren arabera, ekainean edota uztailean izanen lirateke irakasle izateko oposizioak. Inspektoreei deialdia, aldiz, azaroan izan daiteke.