Ezgaitasunen bat dutenak artatzeko plan integrala. Horixe behar bereziak dauzkatenen bizitza hobetzeko erreminta eraginkorra, CERMINek Zentralen egindako agerraldian adierazi duenez. Horregatik, exekutiboak martxan jar dezan, indarrak bilduko dituzte.
"Konponbideen bila ari gara, baina kontuan izanda bizitzaren une ezberdinetan beharrak ere aldatu egiten direla", esan du Mari Luz Sanz elkarteko presidenteak.
Kritiko mintzatu da, gainera. Dionez, Gobernuko sailak elkarlanean aritzea "ez da erraza", eta ezgaitasunaren gaiari erantzuteko harremana edukitzea "garrantzitsua" da, haren irudiko.
Halaber, bada urratu beharreko beste bide bat, haren aburuz: Irisgarritasun unibertsala garatzeko foru legea. Lanpostuetarako ezgaitasuna kontuan izatea eta tasak betetzea; elkarteen aurrekontuak bermatzen dituzten kontzertuak bermatuta egotea; eta aurrekontu handiagoak daude aldarrikapenen artean.