Ainhoa Aznarezen hitzekin abiatu zen atzo Emakumeenganako Indarkeriaren Aurkako I Jardunaldia. "Babeserako baliabideak eta politika eraginkorrak jarri behar dira martxan", nabarmendu zuen Parlamentuko presidenteak. Hiru egunez ariko dira jardunaldi horietan eta genero indarkeria alorrean aditu diren kideak izanen dira hizlari. Ondorioak ere aterako dituzte, eta horiek Nafarroako Legea garatzeko baliatuko dituzte.
Mahai inguruan bildu ziren lehen hitzorduan. Izaskun Andueza izan zen moderatzailea eta genero indarkeriaren inguruan ikuspuntu ezberdinak landu zituzten.
Genero indarkeriaren dinamika
Miguel Lorente Acosta mediku forenseak hartuko du gaur hitza. 10:00etan ekinen diote jardunaldiari. 12:30ean indarkeria matxista sufritzeko arriskua duten emakumeei jartzen dizkieten segurtasun txakurrak izanen dira Parlamentuan.
Arratsaldean beste hizlari batzuk ere izanen dira: Mari Luz Sanz eta Nerea Arana Cermin-eko kideak, Paola Damonte NUPeko Gizarte Langilea eta NUPeko irakasle eta Comfineko kide Magdalena Hernandez.