Sei errekurtso erregistratu ditu ELA sindikatuak. Nafarroako Enplegu Zerbitzuaren bidez Nafarroako Enpresarien Elkartea, UGT eta Comisiones Obrerasekin adostutako hitzarmen zenbaitetan "legea saihestu" zutelako jarriko ditu errekurtso horiek.
Gorako errekurtso izenekoak aurkeztu ditu sindikatuak sei ebazpenen aurka. Horiek, administrazioak erresolbitu behar ditu lege foralaren bidez eta hitzarmenak ez baditu baliogabetzen auzitara joko du. Errekurtso horien argudio juridikoa lege-iruzurrean oinarritzen da eta eroskeria-praktikekin amaitzea du xede.
Hitzarmen horietan Enpresarien Elkartea, UGT zein CCOO sindikatuetako egiturak eta gastu arruntak finantzatzen zirela frogatu nahi du sindikatuak eta alde batera utzi zela benetako helburua, hau da, enplegurako prestakuntzarena. Halakorik berriz errepika ez dadin ari da lanean ELA.