Herri sanferminen inguruko topaketak antolatu zituzten Gora Iruñeak!-k eta Peñen Konfederazioak larunbatean; ondorioa: herritarrek izan behar dutela festetako protagonista.
60 lagun inguru batu ziren eta jai eredua hartu zuten hizpidetzat. Lau esparru landu zituzten bereziki: herri mugimenduak jai ereduari egin behar dioen ekarpena, jai ereduak berezkoak dituen baloreen lanketa, guneen kudeaketa eta udalarekin izan beharreko harremana
Hala, sanferminen prestakuntzan, "buru-belarri" aritzeko konpromisoa azaldu zuten, eta aurrerantzean ere festa modeloaren karietara hausnartzen segituko dutela iragarri zuten.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.