Abenduaren 20an hautagaitza bateratua aurkeztuko dute Senaturako. Hautagaiak nortzuk izanen diren ere ezaguna da gaur gaurkoz: Geroa Baik atzo bertan iragarri zuen bere zerrendaburua Ana Lujan Anika izanen dela. Argia ikastolako (Tutera) zuzendaria izan da Lujan eta Historian lizentziatua da.
Gainerako alderdiek ere ezagutarazi dituzte euren hautagaiak. Eh Bilduk Patxi Zamora izanen du zerrendaburu. Kontuz! taldeko kidea da Zamora. Izquierda-Ezkerrak berriz, Iñaki Bernal proposatu du.
Ekitaldi bateratua gaur
Hautagaiak aurkeztuko dituzte Geroa Baik, EH Bilduk, Podemos-Ahal duguk eta Izquierda-Ezkerrak. Iruñeko San Agustin kaleko Antzerki Eskolan eginen dute ekitaldia 18:30ean izanen da.