Aritz Aiesa Antsoaingo EH Bilduko zinegotzi eta Iruñerriko Mankomunitateko presidente berria gurean izan da. Garraio publikoa, zaborrak eta uraren kudeaketa mintzagai nagusi. Tertulia grafikoan, azken egunotan argitaratu diren argazki zenbait, gure inguruan eta gure mugetatik haratago hartutako irudiak aukeratu dizkigu, Ander Perez Berria egunkariko kazetariak. Euskaldun bat Bartzelonan. Martin Aranburu soziologoa eta politologoa da. Kataluniako egoera politikoaz eta irailaren hogeita zazpiko hauteskundeez aritu gara. Hegan&Dream, amets egin eta hegan egin. Iruñeko alde zaharrean, kale Nagusian zabalik dagoen espazio ludikoa da. Haurrei ingeleraz eta euskaraz egiten diete. Bertako hezitzaile Erkuden De Andresek eman dizkigu xehetasunak. Iritziaren tartetan, Elixabete Garmendia kazetaria eta Aingeru Epaltza idazlea.
