SOS Arrazakeria, Amnesty International eta Paperak denontzat taldeek antolatu zuten protesta. Hiru taldeok txalotu egin zuten “Iruñeko Udalak eta beste zenbait erakundek” krisiari eman dioten erantzuna, besteak beste aterpe-hirien sarearen bitartez.
Paperak Denontzat plataformako kide Javier Urrozen arabera, “Europan gertatzen ari dena tragedia bat da”. Bere irudikoz, “Libian eta Sirian gerra geraraztea da neurririk eraginkorrena errefuxiatuak etor ez daitezen”.
Amntesty Internationaleko Adriana Goikoetxearen aburuz, “gobernuek ezin dute ahantzi 1951ko Nazio Batuen Erakundeko Errefuxiatuen Hitzarmenak dioenez, gatazketatik ihesi datozen pertsonak derrigorrez hartu behar dituztela”.
Azkenik, SOS Arrazakeriak-eko Beatriz Billaizainek gogor kritikatu zuen Europaren migrazioari buruzko politika: “Politika horrek behartzen ditu migratzaileak bestelako bide arriskutsuak bilatzera, haien eta haien senideen bizitza arriskuan jartzera”.