Gobernu berria osatze aldera programa adosteko lehen negoziazioa izanen dute gaur Geroa Baik, EH Bilduk, Podemos-Ahal duguk eta Izquierda-Ezkerrak. 16:00etan batzartuko dira Nafarroako Parlamentuan. Geroa Baik jaso ditu gainerako taldeen proposamenak eta gaur arratsaldeko bileran programa bateratu baterako lanean hasiko dira.
Alderdi sozialistari dagokionez, Uxue Barkosek adierazi du, PSNk igorri dizkiola proposamenak, baina, era berean, nabarmendu dio ez duela negoziazioetan parte hartuko. Beraz, hiru koalizioekin ekinen dio Geroa Baik Gobernua osatzeko beharrezkoa den programa lantzeari.