Bihar, ostirala, Maiatzaren Lehena, langileen nazioarteko eguna. Jai eguna da baina gaude egoera ekonomikoari eta lan baldintzei erreparatuta ez dagoela ospakizunetarako arrazoi handirik. Lau lagun izan dira gure artean langabeziaz, prekarietateaz eta sindikalgintzaren etorkizunaz solasean. LAB sindikatuko eledun Igor Arroio, ELAko arduradun Mitxel Lakuntza, STEILAS sindikatuko buru Amaia Zubieta eta ESKtik Iratxe Alvarez koordinatzailea. Etxebizitzaren arazo larriari aurre egiteko asmoz, Iruñeko gazte talde bat Zangozako eskualdean dagoen Gardalain herrira joan zen bizitzera duela bost urte. Hustuta eta utzita zegoen herria. Mantso bada ere, altxatzen eta berritzen ari dira eraikuntzak. Haien esperientzia azaldu digute Beñat Sorly eta Joseba Fernandez gazteek. Apirilak 30, sabotajearen eguna da. REAS sareko kide eta Landare Elkarteko kudeatzaile David Garnatxorekin desobedientziaz eta sabotajeaz aritu gara.