Internazionala, txalapartarekin joa

Hutsun txalaparta talde iruindarrak egin du bertsioa, LAB sindikatuarekin elkarlanean. Bideoa Maiatzaren Lehenaren atarian plazaratu dute.

LAB sindikatuaren eskariz, Hutsun Txalaparta Taldeak harri eta egur txalapartarekin Internazionalaren bertsio bat grabatu berri du. Txalaparta Euskal Herriko musika tresna da, dirudienez sagardogileek sagarrak txikitzean egindako jolasaren bidez sortua. Txalapartak elkartzeko deia zabaltzen du lau haizetara, festarako edota borrokarako.