Iruñeko epaitegiaren erabakia forma akats batengatik bota dute atzera. Nafarroako Gobernuak Etxalarko Udala eraman zuen auzitara herriko festetan ikurriña zintzilikatzeagatik. Nafarroako Ikurren Legea urratzen zuelakoan jo zuen Gobernuak Udalaren aurka. Auzitegira jo baino lehen baina, beharrezkoa zen Nafarroako Gobernua Etxalarko udalarengana zuzentzea. Halakorik egin ez zuelako Nafarroako Auzitegi Nagusiak arrazoia eman dio Etxalarko Udalari.
Etxalarko Udalak helegitea aurkeztu zuen argudio horrekin; udalari ohartarazpena egin behar ziola Nafarroako Gobernuak auzitara jo aurretik. Nafarroako Auzitegi Nagusiak arrazoia eman dio Etxalarko Udalari, baieztatuz hain zuzen, beharrezkoa zela Nafarroako Gobernua aurrez udalarengana zuzentzea.
