Iruñeko Alde Zaharreko Santo Domingo aldapan dago Nafarroako Museoa. 1956. urtean eraiki zuen Nafarroako Gobernuak egoitza hori. Elebakartasuna ardatz hartuta du Museoak Administrazioan Euskaraz Taldearen arabera. Errotulazioa gaztelania hutsean du nahiz eta 2012ko ekainaren 26ko Nafarroako Parlamentuak onartutako legeak errotulazioa elebidun jartzeko erabakia hartu zuen.
Aste Santuko ondoko aste honetan haurrentzako tailerrak antolatu ditu Museoak modu ludiko, didaktiko eta sortzailean kultur ondarea hurbiltzeko, 5 urtetik aurrerako haurrei zuzenduta. Administrazioan Euskaraz Taldeak ohartarazi du kultur programazioak bestelako ikuspegi bat behar duela, elebitasunera bilakaera izateko.
