Istripurik gabe eta zauriturik gabe amaitu da Aste Santuko oporraldia Nafarroako errepideetan. Jai egunen hasieran bezala, bukaeran ere ez da ezbeharrik izan eta errepideetan arin joateko aukera izan zen atzo ere, nahiz eta, erkidegoan jai eguna izan.
Pirinioetako autobidean izan zen trafikorik handiena atzo iluntzean eskiatzaileen itzulera zela-eta, baina, ez zen arazorik sortu Nafarroako Gobernuaren arabera. Leitzaranen, Bideko autobidean eta Nafarroako autopistan ohikoa zen kotxeen joan-etorria. Arazorik sortu bazen Iruñeko sarrera-irteeran izan zen trafikoan auto pilaketak sortu zirelako une zenbaitetan.
