Asteazkenero legez, legebiltzarkideen biltzar ttipia gurean. Bilduko Bakartxo Ruiz, Aralarko Patxi Zabaleta, Geroa Baiko Manu Aierdi eta Ezkerrako Ioseba Ezeolaza izan dira Irrintzi dorreko hemizikloan. Okzitanian izan den hegazkin istripuaren aitzakian hedabide zenbaitek bilatzen duten morboaz mintzatu gara Gorka Bereziartua kazetariarekin. Elhuyar elkarteko Ana Galarraga zientzia adituarekin domotika eta etxe adimendunak aztergai izan ditugu. Uxua Domblas hirigintza adituarekin Argako Parkeari buruz hitz egin dugu.
