Skolae programa goiburuetan dugu azkenaldian, tamalez edo zorionez. Tamalez, Nafarroan ohikoa den moduan, beti dagoelako zentzuzkoa denaren aurka dagoenik, eta kasu honetan ezin atzean geratu tamalez gure gizartean bizilagun ditugun kolektibo kontserbadore eta atzerakoi horiek, nola eta parekidetasuna eta berdintasuna sustatzeko Hezkidetza Planaren aurka salaketa bide judizialera eramanez.
'Programa ideologiko baten ezarpen totalitarioa' omen salatarien argudiaketa. Dirudienez Skolae ez da haien gustokoa haurtzarotik mundua ikusteko modu berri bat ahalbidetzen duelako; baina hori, lagun maiteak, ez da adoktrinatzea, hori ereitea da. Haurrek haien bizi proiektu propioa askatasunetik eta iritzi aniztasunetik aukeratzeko gaitasuna edukitzeko baliabideak eskaintzea da Skolaeren helburua.
Horrexegatik, zorionez ere ikus dezakegu nolaUnesco-k Skolae saritu duen genero berdintasunaren alde egiten duen lanagatik. Salatariek ispilu ederra beharko lukete totalitarismoa eta adoktrinatzea zer diren ulertzeko.
