Konstituzioaren Plaza, ele bitan

Erabiltzailearen aurpegia adm.euskaraz.taldea 2022ko ots. 7a, 18:56
Enrique Maiak eta UPNk Konstituzioaren plaza bat nahi zuten Iruñerako, eta izen hori eman diote Baluarteko plazari. Nola ez, gaztelania hutsean jarri dute: "Plaza Constitución plaza".
KONSTITUZIOAREN PLAZA, ELE BITAN


Enrique Maiak eta UPNk Konstituzioaren plaza bat nahi zuten Iruñerako, eta izen hori eman diote Baluarteko plazari. Nola ez, gaztelania hutsean jarri dute: "Plaza Constitución plaza". Ba hori ez dator oso bat haien konstituzioarekin: "hizkuntzak bereziki zaindu behar direla" dio Espainiako konstituzioak bere 3.3 artikuluan. Beraz, beren konstituzioari kontra egiten diote euskara desagerrarazten dutenean errotuluetan, haur eskoletan euskararen kontra egiten dutenean, etab.

Ez da lehenbiziko aldia horrela jokatzen dutela. Pasealeku bati "Paseo 25 de noviembre pasealekua" jarri zioten. Euskaraz ez jartzeko, Udalak argudiatu zuen toponimo bat zela, eta "ez zekiela euskaraz beste izenik ote duen". Hala, Nafarroako Administrazio Auzitegiak, 2014ko abuztuaren 21ean emandako 02501/14, Ebazpenean hauxe esan zion Udalari:

" '25 de noviembre' ez bada gaztelania, gaztelaniaren antz handia du. Are gehiago: ausartuko ginateke esatera ez dela Erdi Aroko toponimo bat". Eta ele bitan jartzera behartu zuen. Hala dago gaur egungo plakan:

"25 de noviembre / Azaroaren 25a, Día internacional contra la violencia de género / Genero-indarkeriaren aurkako nazioarteko eguna".

Beraz, gauza bera eskatuko genioke, euskaraz ere jar dezala plaka hau.

2022-02-07.

ADMINISTRAZIOAN EUSKARAZ TALDEA.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!