ALTSASUN ERE EUSKARA EGOKI BALORATU BEHAR DA
2009. urtetik 2015. urtera, UPNk ingelesa jakitea baloratu zuen A eta B mailako oposizioetan. Oposizio batean %10eko puntuazioa ematen bazitzaion ingelesa jakiteari, ezinezkoa zen %90 baino puntuazio handiagoa lortzea ingelesik jakin gabe. Aldaketaren aldeko Udalek, berriz, bestela jokatzen dute euskararekin: Maiz, euskara baloratzen denean ere, gehieneko puntuazioa lor daiteke euskararik jakin gabe ere. Esaterako: 2018ko urtarrilaren 22an Altsasuko bi lan deialdi argitaratu ziren Nafarroako Aldizkari Ofizialean. Horietan, euskaraz jakitea % 5 puntuatzen zen, baina euskaraz jakin gabe ere, beste merezimendu batzuekin, %100eko puntuazioa lor zitekeen.
Horrexegatik, Administrazioan Euskaraz taldeak kexa jarri zuen Arartekoaren bulegoan.
2018ko martxoaren 27an, gomendio hau eman dio Arartekoak Altsasuko Udalari: Euskaraz jakitea ezinbestekoa ez den kasuetan, merezimendu moduan baloratu behar duela euskara, eta ez dela zuzena euskararik jakin gabe puntu guztiak lortzeko aukera izatea, horrek euskararen balioa gutxitzen baitu.
Eguesibarko Udalak, Burlatako Udalak eta orain Altsasuko Udalak jaso dute gomendio bera. Behingoz Administrazio Publiko guztiek beteko al dute irizpide hori?
2018-05-03.
ADMINISTRAZIOAN EUSKARAZ TALDEA.
Altsasun ere euskara egoki baloratu behar da
2018ko mai. 3a, 21:46
2018ko martxoaren 27an, gomendio hau eman dio Arartekoak Altsasuko Udalari: Euskaraz jakitea ezinbestekoa ez den kasuetan, merezimendu moduan baloratu behar duela euskara, eta ez dela zuzena euskararik jakin gabe puntu guztiak lortzeko aukera izatea, horrek euskararen balioa gutxitzen baitu.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!