Nafarroako Administrazio Publikoetan euskararen erabilera arautzeko Dekretua aldatzeko AETren proposamena.

Erabiltzailearen aurpegia adm.euskaraz.taldea 2017ko ots. 9a, 22:10
Espero dezagun Proiektutik Dekreturako bidean gure proposamenak jasotzea!

NAFARROAKO ADMINISTRAZIO PUBLIKOETAN EUSKARAREN ERABILERA ARAUTZEKO DEKRETUA ALDATZEKO AET-REN PROPOSAMENA

 

Nafarroako Administrazio Publikoetan euskararen erabilera arautzen duen 29/2003 Foru Dekretua osorik aldatzeko proposamena aurkeztu zuen Administrazioan Euskaraz Taldeak Nafarroako Gobernuaren Erregistroan, 2017ko urtarrilaren 26an. Eremu euskaldunerako artikuluak aldatzeko 2016ko irailaren 15ean egindako proposamenari eremu mistorako eta “ez euskaldunerako” artikuluen aldaketa gehitu diogu.

 

Eremu misto eta “ez euskaldun”-erako zeintzuk dira gure proposamenik garrantzitsuenak eta Nafarroako Gobernuak prestatu duen Proiektuan ez daudenak?

 

Eremu mistorako:

 

-       Komunikazio administratiboetan, inprimakietan, argitalpenetan eta abarretan, Administrazio guztietarako elebitasuna ezartzea.

-       Administrazio guztietan, euskaraz jakitea nahitaezkoa duten lanpostuen kopurua zehazteko: Euskaldun hiztunak gehi euskaldun pasiboak gehi % 2 izatea, gutxienez.

-       Administrazio guztietan, gainontzeko lanpostuetarako euskaraz jakitea puntuatzea: Gutxienez % 10 jendaurreko lanpostuetan eta gutxienez % 5 gainontzekoetan. Puntuazio hauek mota guztietako deialdietan izanen dira, deialdian lor daitezkeen puntu guztien artean aterako dira portzentajeak, ez dira atal berean beste merituekin batera puntuatuko eta oposizioetan ere erabiliko dira froga ez baztergarri baten bidez.

 

Eremu “ez euskaldunerako”:

 

-       Euskarazko idazkiak tramitatzeko betebeharra, Nafarroako Gobernuko itzulpen ofizialeko zerbitzuak erabiltzeko aukerarekin.

 

Espero dezagun Proiektutik Dekreturako bidean gure proposamenak jasotzea!

 

 2017-02-09.

 

ADMINISTRAZIOAN EUSKARAZ TALDEA. 

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!