Nafarroako Gobernuaren erantzuna: Eremu euskaldunetik kanpo, Osasun Txartela gaztelaniaz.

Erabiltzailearen aurpegia adm.euskaraz.taldea 2017ko urt. 19a, 00:04
"702/2013 Errege Dekretuarekin bat, eta indarrean den zonifikazioaren arabera", osasun txartel berriak gaztelania hutsean eginen dira eremu euskaldunetik kanpo.

NAFARROAKO GOBERNUAREN ERANTZUNA: EREMU EUSKALDUNETIK KANPO, OSASU TXARTELA GAZTELANIAZ.

 

Horixe erantzun die Nafarroako Gobernuak @LandaJauna eta @xabamez txiolariei: "702/2013 Errege Dekretuarekin bat, eta indarrean den zonifikazioaren arabera", osasun txartel berriak gaztelania hutsean eginen dira eremu euskaldunetik kanpo. Ele bitan nahi izanez gero, eskatu egin behar dira. Baina 702/2013 Errege Dekretuak ez dio deus hizkuntzari buruz, eta ez dago araurik Nafarroa osoan txartela ele bitan egitea debekatzen duenik. Eta zergatik ez dago txartela euskara hutsean egiterik? Gobernuak erantzun izan du ezinezkoa dela, Estatu osorako denez, baina Katalunian katalan hutsez da.

 

Nafarroako Gobernuak 282.000 osasun txartel berri egin ditu, esan bezala gehienak erdara hutsean, eta 2018. urterako 615.000 egin nahi ditu denera. Eta txartel horiek ez dute iraungitze datarik. Beraz, hau da momentua: Nafarroako Gobernu berria, txartelak ele bitan egin daitezela nahi dugu, eta, gero, nahi duenak eska dezala soilik hizkuntza batean.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!