Euskara bezalako hizkuntza gutxiagotuak garatzeko gune eta tresna aparta dira hedabideak. Horretaz jabeturik, 1988ko azaroaren 7an, sortu eta jarri zuen martxan Euskalerria irratia Iruñeako euskaltzale talde batek.
Ez da bide xamurra izan, trabaz eta oztopoz beterikoa baizik. Esan daiteke euskarak Nafarroan azkeneko hamarkadetan jasan duen bazterkeriaren paradigma dela irratiaren historia.
Informazioa euskaraz emateko sortu zen, komunitateak eman dio sostengua eta komunitateari eman dio ahotsa gertutasunetik, hurbiltasunetik, parte hartzea bultzatuz, jatorrizko kultura indartuz, komunitatea trinkotuz eta talde baten parte izatearen harrotasuna sentiaraziz.
Euskaltasunetik, gertukotik euskaraz osoki bizi ahal izateko esparru bat sortu eta eskaintzen dute Euskalerria irratiak eta gainontzeko tokiko komunikabide guztiak. Harro egon behar du egindako bidearekin, pozik egin duenarekin. Zorionak eta biba zuek!
Euskalerria Irratiaren "onda"
2018ko aza. 7a, 12:45
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!