Urteak pasa eta aitortu zuen egindako hutsik larriena izan zela. Ondorioztatu zuen teoriak erabakitzen duela dugun aztertzeko gaitasuna.
Euskalgintzak atxikimendua erakutsi dio agonia-egoerari. Bertsio ezberdinetan gorputza eman dio bultzada horri. XX. mendearen hasieran kristautasuna eta nekazaritza munduaren ordezkapenarekin lotu zuen bere diskurtsoa: desagertzear zegoenaren etorkizuna. XXI. ren hasieran ideologia nagusi askoren noraezarekin korapilatu da.
Dena gaizki, berandu, exkax egiten omen dugu. Honekin bat egiten dutenok zutabe eta tertuliakide publiko arrakastatsuak dira. Korronte nagusia da. Biktimen komunitatea gara.
Bitartean, euskara heldu ikasi zuen Peiok liburua aurkeztu du edo eskolan euskara ikasitako Unaik poesia bilduma kaleratu du edo Merced kalean euskaraz aritzen gara kontaezinak garen bizilagunen artean.
Teoria egokiaren premia dugu.
