Erotismoa hitza eszitazioarekin lotuko dute askok, baina horrekin baino, norbere desira eta nahiak identifikatzearekin dauka zerikusi gehiago Edurne Errearen arabera. Sexologoak Iruñeko Emakumeen Etxean otsailaren 4tik aurrera emanen den Boteretze Erotikoaren eskolak gidatuko ditu. Helburua, berak nabarmendu bezala, hitzaren bitartez desira horien inguruan hausnartzea izanen da, ikuspegi askotarikoetatik, mugak aztertuz, maitasun erromantikoaren oinarriak identifikatuz eta harremantzeko moduen inguruko esperientziak partekatuz, besteak beste. Erreak azpimarratu bezala, "helburua da gauzak partekatu eta barrua laxatzen joatea. Esploratzeko espazio bat da, eta espazio seguru eta eroso bat".
Denetara lau saio emanen dira, otsailaren 4an, 11n, 18an eta 25ean, 18:30etik 20:30era. Ikastaroan izena emateko epea zabalik dago eta casadelasmujeres@pamplona.es helbidera idatzita egin daiteke. Iruñeko Udalak diruz laguntzen duenez, matrikula doakoa da.