Indarkeria matxista geroz eta gehiago salatzen dela ohartarazi dute eta Nafarroan babes-aginduaren eskaera bati 72 ordutan erantzuten zaio. Hala ere, zenbaitetan denbora gehiago ezinbestekoa da inplikatutako guztiekin hitz egiteko eta adingabeak behar bezala artatzeko.
Emakumearen Aurkako Indarkeriaren Arloko Iruñeko Epaitegiko kideak, kexu dira orain Eraginkortasun Judizialaren Legea onartu berri delako eta horren bitartez, sexu-delitu guztien instrukzioa bere gain hartu behar dutelako. Bederatzi hilabeteren buruan emakumearen aurkako indarkerian espezializatutako epaitegiek sexu-delituak ikertzeko eskumen osoa bere gain hartuko dute. Hau da, indarkeria-epaitegiek eskumenak zabaldu dituzte eta baliabide gehiago beharko dituztela ohartarazi dute.
Izan ere, indarkeria matxistaren 4.000 espediente judizial izapidetzen ari dira urtean Nafarroan. Eta Etxeko eta Genero Indarkeriaren aurkako Behatokiaren arabera, indarkeria matxistagatiko salaketak %39 igo dira 2024ko hirugarren hiruhilekoan, eta Nafarroan uztaila eta iraila bitartean 1.059 salaketa aurkeztu ziren. Astelehen Lilak elkarteak ere, 2024an eraildako emakumeak gogoratu ditu, estatuan 94 feminizidio izan baitira.
Hartara, Astelehen Lilak elkarteak eraildako emakume eta bederatzi adingabeei omenaldia egingo die gaur, arratsaldeko 19:00etan, Gazteluko Plazan. Eguberrietan egon ez diren emakumeen izena duen izar bat eskegiko dute ekitaldian.
Buenos días!!
— Lunes Lilas Navarra Astelehen Lilak Nafarroa (@astelehen) January 13, 2025
os recordamos que HOY 13 de enero se realizará el homenaje a las víctimas por violencia machista en 2024 pic.twitter.com/f7XaSx5N7F