'Itsasmina': dokumentala eta dantza garaikidea uztartzen dituen emanaldia

Dantzaz Konpainiak eta Txikota ekoiztetxeak elkarlanean sortutako esperientzia da 'Itsasmina' emanaldia. Dokumentala eta dantza garaikidea uztartuko ditu. Zizur Nagusiko Kultur Etxean taularatuko da, arratsaldeko zortzietan.

Getariako portuko iragana eta oraina erretratatu ditu Beñat Gerekak dokumentalean. Tradizioa, sustraiak eta mundu garaikidea uztartzen dira beraz Itsasmina esperientzian. Zazpi dantzariren mugimenduak aretoan eta itsaso-tradizioak pantailan.