Civivox sareak mota guztietako eta adin guztiendako 328 ikastaro eta 46 tailer eskainiko ditu 2024-2025 ikasturterako. Ikastaroetatik 254k urteko izaera dute, hau da, jarraipena izango dute datorren urteko otsailetik aurrera. Beste 74 ikastaroak urtarrilean amaituko dira eta orduantxe, beste zenbait proposamen berri aurkeztu dira. Aurten, 32 dira euskaraz eskaintzen diren jarduerak.
Aukeren artean nabarmentzen diren alorrak dira arte plastikoak, kirola eta ongizatea, argazkigintza, poesia, sukaldaritza, marrazkigintza eta pintura, teknologia berriak, igeriketa, artea eta ondarean, musika, literatura, zinema edota dantza.
Izen ematea dagoeneko zabalik dago, gaurtik eta astebetez, irailaren 16ra arte egongo da eskuragarri. 010 telefonora deituz, Civivoxetan bertan edo internet bidez egin daiteke eskaera, gehienez 5 ikastarotan izena eman daiteke eta plaza esleipena zozketaz egingo da.
Plaza eskuratu duten pertsonek 72 ordu izango dituzte matrikula gauzatzeko. Matrikulatzen ez badira, zerrendako hurrengo pertsonari esleituko zaio plaza, erreserba-ordenaren arabera.
