"Informazio eta gardentasun falta" leporatu diote departamentuari ELA, LAB, Steilas, AFAPNA, UGT eta Comisiones Obreras sindikatuek. Planifikazioaren berri ez dute, hezitzaileak nondik kontratatuko dituzten ere ez dakite eta zein ikastetxetan ezarriko dituzten bi urteko gela horiek ere ez. Kexa agertu dute elkarretaratzea eginez parlamentuaren aitzinean.
Martxoaren 20an deitu dituzte hezkuntza alorreko sindikatuak bi urteko gelen inguruko informazioa haiekin konpartitzeko asmoz. 0 eta 3 urte arteko zikloak jaso du dei hori eta sindikatuetako ordezkariak joanen dira.
