Nafarroako Gobernua osatzen duten alderdiek, alegia, PSNk, Geroa Baik eta Contigo-Zurekin taldeek, eta baita EH Bilduk ere, babestu egin dute sexuka bereizten dituzten ikastetxeak diru-laguntza publikoetatik kanpo geratzea. Hezkuntza Departamentuak hartu zuen erabakia Batxilergoan hezkuntza mistoa ez ezartzeak diru-laguntza publikorik gabe geratzea esan nahi duela. Hala babestu zuen baita Nafarroako Auzitegi Nagusiak ere berriki.
Bestelako jarrera dute gainerako alderdiek: UPN, PP eta VOX-ek. Iruditzen zaie "gurasoen aukeraketa eskubidea" bermatzen duela halako zentroak ere kontzertatu izatean. Hala, Irabia-Izaga eta Miravalles- El Redin ikastetxeei mantendu eginen liekete aportazio ekonomikoa.
