Heriotza Duinaz hitz eginen dugu orain. Eta aitzakiatzat erabiliko dugu, gaur arratsalderako iragarria dagoen ekimena. 18:00etatik 20:0etara Nafarroako Parlamentuko horma kolore gorriz argiztatu eginen dute. Duela 26 urte zendu zen Ramon San Pedro. "Urteurrena baliatu nahi dugu aldarrikapena egin, informazioa helarazi eta gaia gizarteratzen segitzeko", azaldu du Manu Eziolaza Heriotza Duinaren Elkarteko kideak.
Ramonek tetraplejia zuen eta ez zuen modu horretan bizitzen segitzeko indarrik. Lagunen laguntzaren bila jo behar izan zuen duin hil ahal izateko. Eta grabatu ere egin zuen une hori. Lastotxo batekin, pajita batekin alegia edan zuen heriotza eraginen zion produktua. Garai hartan ez zen legerik ez eta Estrasburgoko Giza Eskubideen Auzitegirik ere babestuko zukeenik. Eta testigantza hark ikusmira piztu zuen, gaia gizarteratzea lortu zuen eta hausnarketarako bideak zabaldu zituen. Film bat ere egin zuten haren egoeraren berri emanez: Mar Adentro izenekoa.
Ramon San Pedroren bizitza eta heriotza hura izanen dute gaur gogoan. Eutanasiaren legea dugu orain. Nafarroan iaz Aurretiazko Borondateen Erregistroan 3.500 agiri jaso zituzten. Gauzak aldatzen ari direnaren seinale baita arlo honetan ere.
Argazkian klik eginez entzun daiteke Manu Eziolazari egindako elkarrizketa osorik.
